КУПУВАЊЕ НА УДЕЛИ ВО ФОНДОТ

Инвеститорите можат секој работен ден да достават Пристапница и Барање за купување на удели заедно со неопходните прилози кон тоа барање. Пристапницата и Барањето се пополнуваат на посебен формулар изготвен од Друштвото. Формуларите може да се добијат во просториите на Друштвото, на интернет-страницата, и во сите филијали и експозитури на Комерцијална банка АД Скопје.

Клиентите купуваат удели според цената што одговара на вредноста на уделот на денот на купување, доколку паричните средства се уплатени до 14:00 часот во тековниот ден. Доколку паричните средства се уплатени по 14:00 часот во тековниот ден, удели се купуваат според цената што одговара на вредноста на уделот наредниот работен ден. Продажната цена на уделите го содржи и износот за покривање на трошоците за влезен надоместок (доколку е истиот предвиден со Статутот и Проспектот на Фондот).

Уделите се врачуваат по уплата на полната продажна цена. Уплатата на средства се врши на сметката на отворениот фонд:

• КБ Публикум – Балансиран во Комерцијална банка АД Скопје, жиро сметка: 300000002915662
• КБ Публикум – Обврзници во Комерцијална банка АД Скопје, жиро сметка: 300000003236829
• КБ Публикум – Паричен во Комерцијална банка АД Скопје, жиро сметка: 300000003236732
• КБ Публикум – МБИ 10 во Комерцијална банка АД Скопје, жиро сметка: 300000004065209

На инвеститорите кои купиле удели Друштвото им издава Потврда за купување на удели во рок од пет (5) дена, на начин кој е претходно договорен со клиентот.

МИНИМАЛЕН ИЗНОС НА ВЛОЖУВАЊЕ

Минимална поединечна уплата во секој од фондовите со кои управува Друштвото изнесува 1.000,00 денари.

На инвеститорите исто така им се нуди можност да уплатуваат повеќекратно, во зависност од нивните можности. Со уплаќање на износите во фондот може да се оствари и подобра просечна цена на удел (таканаречен cost averaging – за истиот износ кога е ниска цената на уделот може да се купат повеќе удели, а кога е цената висока се купуваат помалку удели, со што остварувате подобра просечна цена на уделот).

ПРОДАЖБА НА УДЕЛИ

Секој сопственик на удели има право да бара откуп на истите и на тој начин да истапи од Фондот. Цената што одговара на вредноста на уделот се исплаќа без одбитоци, освен ако такви не се изрично предвидени со Статутот и Проспектот на Фондот.

Уделите во Фондот се откупуваат според цената што одговара на вредноста на уделот утврдена првиот нареден ден на процена по поднесување на Барањето за откуп на удели. Откупната цена на уделите се искажува како број со четири децимали.

Сопственикот на удели може во секое време да поднесе Барање за откуп на сите или одреден број удели на посебен формулар – Барање за откуп на удели, а истото може да го добие во седиштето на Друштвото и на неговата интернет-страница.

Друштвото го исплаќа уделот во Фондот, најдоцна седум (7) дена по примањето на Барањето за откуп на удели.

На инвеститорите кои продале удели Друштвото им издава Потврда за откуп во рок од пет (5) дена, на начин кој е претходно договорен со клиентот.

КОНВЕРЗИЈА НА УДЕЛИ

Конверзијата на уплатените парични средства во удели се врши секој работен ден во 16:00 часот. Вредноста на уделот се пресметува со делење на нето денарската вредност на имотот на Фондот со бројот на издадени удели на денот на вреднување (Т-1) во 16:00 часот.

Доколку уплатата е извршена до 14:00 часот на денот на прием на уплатата (Т-1), конверзијата на паричните средства во удели се врши спрема вредноста на уделот на истиот ден на вреднување (Т-1) која се пресметува наредниот работен ден (Т) до 16:00 часот, односно доколку уплатата е извршена по 14:00 часот, конверзијата на уплатените средства ќе се изврши спрема вредноста на уделот на наредниот ден на вреднување (Т) која се пресметува наредниот работен ден (Т+1) од денот на вреднување, до 16:00 часот.

Барањата за откуп на уделите ќе се реализира по цена на уделот еден работен ден по приемот на барањето (Т) во 16:00 часот а која се пресметува наредниот работен ден (Т+1) доколку Друштвото го примило Барањето до 14:00 часот на денот на прием на барањето (Т-1), односно по цена на уделот два работни дена по приемот на барањето (Т+1) во 16:00 часот а која се пресметува наредниот работен ден (Т+2), доколку Барањето за откуп на удели стигнало по 14:00 часот на денот на прием на барањето (Т-1).

НАДОМЕСТОЦИ

КБ ПУБЛИКУМ – БАЛАНСИРАН

На годишно ниво Друштвото наплатува надоместок за управување со средствата во висина од 2,5% од нето-вредноста на имотот на Фондот.

Надоместокот на депозитарната банка се плаќа на годишно ниво во зависност од висината на нето-вредноста на имотот на Фондот, со примена на следниве стапки:

• До 500.000.000,00 денари 0,35%
• Од 500.000.001,00 денари до 1.000.000.000,00 денари 0,30%
• Од 1.000.000.001,00 денари до 1.800.000.000,00 денари 0,25%
• Над 1.800.000.001,00 денари

Надоместокот за издавање на удели се пресметува на вкупниот износ на уплатата, со примена на следниве стапки:*

• До 100.000,00 денари 3,5%
• Од 100.001,00 денари до 500.000,00 денари 3,0%
• Од 500.001,00 денари до 1.000.000,00 денари 2,5%
• Од 1.000.001,00 денари до 3.000.000,00 денари 2,0%
• Од 3.000.001,00 денари до 5.000.000,00 денари 1,0%
• Над 5.000.001,00 денари    0,5%

Трошокот за откуп и исплата на удели се пресметува на вкупниот износ на исплатата, со примена на следниве стапки:

• До 1.000.000,00 денари 1,5%
• Од 1.000.001,00 денари до 5.000.000,00 денари 1,0%
• Над 5.000.001,00 денари 0,5%

Трошоци за откуп и исплата на удели од Фондот (односно излезна провизија) ќе се наплатуваат доколку се повлечат инвестираните средствата во рок пократок од три (3) години од моментот на купување на уделите во Фондот.

КБ ПУБЛИКУМ – ОБВРЗНИЦИ

На годишно ниво Друштвото наплатува надоместок за управување со средствата во висина од 1,5% од нето-вредноста на имотот на Фондот.

Надоместокот на депозитарната банка се плаќа на годишно ниво во зависност од висината на нето-вредноста на имотот на Фондот, со примена на следниве стапки:

• До 500.000.000,00 денари 0,35%
• Од 500.000.001,00 – 1.000.000.000,00 денари 0,30%
• Од 1.000.000.001,00 – 1.800.000.000,00 денари 0,25%
• Над 1.800.000.001,00 денари 0,20%

Надоместокот за издавање на удели се пресметува на вкупниот износ на уплата, со примена на следниве стапки:*

• До 150.000,00 денари 1,5%
• Од 150.000,00 денари до 300.000,00 денари 1,0%
• Над 300.000,00 денари 0,0%

Трошокот за откуп и исплата на удели се пресметува на вкупниот износ на исплатата, со примена на следниве стапки:

• До 6 месеци 0,75%
• Над 6 месеци 0,00%

Трошоци за откуп и исплата на удели од Фондот (односно излезна провизија) ќе се наплатуваат доколку се повлечат инвестираните средствата во рок пократок од 6 месеци од моментот на купување на уделите во Фондот.

КБ ПУБЛИКУМ – ПАРИЧЕН

На годишно ниво Друштвото наплатува надоместок за управување со средствата во висина од 1,0% од нето-вредноста на имотот на Фондот.

Надоместокот на депозитарната банка се плаќа на годишно ниво во зависност од висината на нето-вредноста на имотот на Фондот, во износ од 0,20%.

Надоместокот за издавање на удели не се наплатува.

Трошокот за откуп и исплата на удели не се наплатува.

КБ ПУБЛИКУМ – МБИ 10

На годишно ниво Друштвото наплатува надоместок за управување со средствата во висина од 1,25% од нето-вредноста на имотот на Фондот.

Друштвото на депозитарната банка ѝ плаќа надоместок на годишно ниво од висината на вредноста на имотот на Фондот за денот кој претходи на денот на вреднување, со примена на следниве стапки:

• До 1.000.000.000,00 денари 0,25%
• Од 1.000.000.001,00 – 1.800.000.000,00 денари 0,22%
• Над 1.800.000.001,00 денари 0,20%

Надоместокот за издавање на удели се пресметува на вкупниот износ на уплата, со примена на следниве стапки:*

• До 500.000,00 денари 1,5%
• Од 500.001,00 денари до 1.500.000,00 денари 1,0%
• Над 1.500.000,00 денари 0,5%

Трошокот за откуп и исплата на удели се пресметува на вкупниот износ на исплатата, со примена на следниве стапки:

• До 12 месеци 1,00%
• Над 12 месеци 0,00%

Трошоци за откуп и исплата на удели од Фондот (односно излезна провизија) ќе се наплатуваат доколку се повлечат инвестираните средствата во рок пократок од 12 месеци од моментот на купување на удели во Фондот.

* Друштвото го задржува правото да го намали или во целост да го ослободи клиентот од плаќање трошоци за откуп и исплата на удели со претходна писмена одлука на Одборот на директори.